O día 28 de agosto de 20 a 21:30h o Museo do Mar celebra a fin dos obradoiros de verán cunha festa na que haberá espectáculos dirixidos a todos os públicos. Contaremos coas actuacións de Bea Campos (contacontos) e Pablo Trasno (artista circense).
Actriz. Realiza sesións de contacontos e obradoiros en Galiza, Asturias e Cantabria en colaboración con Kalandraka Ediccións. Participou no “Salón do libro iberoamericano de Gijón”, para a TVG, e no Festival de Teatro de Santiago 2006.
Participa como actriz de reparto no filme “Lena” de Gonzalo Tapias, e en “Pelo gato 24 – cantigas e xogos para nenos” Na actualidade cursa estudos na escola Superior de Arte Dramática de Vigo.
É malabarista, acróbata, actor e clown. Licenciado en Matemáticas. Estudou na Escola de Teatro e Danza Espacio Aberto de Compostela, licenciouse en Circo na escola CIRCUS SPACE de Londres, e pasou un ano na “Escuela de Circo Criollo de Buenos Aires”.
Fundador das compañías Malabaranda e Three Two Board. Traballou coas compañías Gandini Juggling Project, Bosi e Chipolatas, no espectáculo Tentacular co grupo Chévere, ademais de ofrecer espectáculos propios en solitario en España, Gran Bretaña, Francia, Brasil, Rusia ou India.
Avenida Atlántida 160. 36208 Vigo.
T 986247750
F 986247748
Contacto | Traballa con nós | Amigos do Museo do Mar