O catálogo da exposición, coa que se pretende a visibilización dalgunhas mulleres galegas destacadas neste campo e a dotación de referentes femininos, está dispoñíbel na área de igualdade da biblioteca da páxina web.

O obradoiro está deseñado para amosar ao alumnado de entre 14 e 16 anos como inflúe a discriminación por razón de xénero nas súas expectativas profesionais. Mediante unha metodoloxía participativa que parte da concepción “investigación-acción” tentaranse conseguir os seguintes obxectivos:

• Reflexionar sobre a influencia do xénero na elección dos itinerarios curriculares e nos desexos profesionais do alumnado.
• Ser conscientes das atribucións feitas en función do xénero, e de como se interiorizan para convertelas en expectativas propias.
• Ampliar as opcións profesionais, sobre todo as das mulleres, aos saberes científico tecnolóxicos.
• Identificar os condicionantes que afastan as mulleres da elección do currículo científico tecnolóxico.